Молскавици/ Ропство

Од Wikisource
Прејди на прегледникот Прејди на пребарувањето

Чичко ми... Ропство

од Коле Неделковски
Работник
Од збирката „Молскавици“

- Дејди, моја мила мајко,
откај иде силен екот,
дење-ноќе век ќе крене,
мира, мајко, не ни дава?

Дали негде огин гори
та сред огин змии пиштат,
ели, мајко, веди трештат
та се пуста земја тресе? -

„Нити, синко, огин гори,
ни сред огин змии пиштат,
нити веди, синко, трештат,
ни се пуста земја тресе,

туку, синко, полошо е
и од огин и од вода:
врие, чедо, тиран гладен
низ нашава црна земња,

кај што мине - чума мори,
кај што седне - земја пишти,
нигде помен не остани,
ни од живо, ни од мртво.“


Поврзано[уреди]