Молскавици/ На кинисуење

На кинисуење

од Коле Неделковски

Од збирката „Молскавици“ пренесена во оригинал на македонско писмо.

Позапри, мајко, затрај се,
доста ме, леле, испраќа,
доста си солзи излеа
по тиа пусти патишта.

А туку, мајко, погледај,
погледај, леле, послушај,
како ми пилци запреа
песни сред пролет радосна:

како ми вода затраа,
темни ми карпи писнаа,
а гора лисја пророни
од твојте тажни гласови.

Ја, мајко, тргнаф, заминаф,
куса си пушка нарамиф,
планина Пирин развила,
бајрак се вее сред неа;

Ја ке го, мајко, дофанам,
над село ке го развеам,
та ке те, мајко, куртулам
од тоа ропство крваво.

Поврзано

Надворешни врски

„Молскавици“, оригинално издание на македонски јазик со бугарска азбука.