Молскавици/ Ангелко

Од Wikisource
Прејди на прегледникот Прејди на пребарувањето

Одродени... Ангелко

од Коле Неделковски
На кинисуење
Од збирката „Молскавици“ пренесена во оригинал на македонско писмо.

— Стани ми, Геле, стани ми,
стани ми, сине на мајка,
пуста се зора зазори
над гора сонце огреа.

Стани ми, сине, Ангеле,
облечи руба ајдушка,
нарами пушка берданка
и тргни ф Китка планина!

Сред неа, синко, завртел
татко ти силна дружина
и страшна борба заврзал
со тиа турци поганци.

И ете, цела недела,
чести ми пушки пукаат,
а штом се зора зазори,
јачат и тажни гласови!

Јунак се, Геле, потресна,
наеднаш рипна на нози,
облече руба ајдушка
и грабна пушка берданка.

Летна ми, јунак, отиде,
у таа Китка-планина
и таму татка пронајде
ф чело со куршум пронизан.

Ангелко нити прозборе,
ни солза од жал пророни,
а туку пушка одрами
и страшна борба поведе!


Поврзано

Надворешни врски

  • „Молскавици“, оригинално издание на македонски јазик со бугарска азбука.