Зборник на Миладиновци/ 635 песна

635 песна

од Браќа Миладиновци

на современ македонски правопис.

Има мајка мила сина,
Мила сина Костадина,
Промени го, накити го
Во свилено, копринено,
Опаши му свилен појас,
Закачи му стребрен дивит,
Дај му в р'це бела книга,
Па пушти го на манастир,
Да се учит бела книга
Бела книга, црно писмо.
Си го чекат три години,
Тој научи в три месеци
И си дојде дури дома.