Зборник на Миладиновци/ 297 песна

Од Wikisource
Прејди на прегледникот Прејди на пребарувањето
296 песна 297 песна

од Браќа Миладиновци
298 песна
на современ македонски правопис.



Садила мома крај море лозје,
Лозје ми садит и песна пеит:
„Хај лозје, лозје, се бело грозје!
Аљ да те сада, кој ке те јадит;
И ја си немам нигде никого,
Ни татка имам, ни мајка имам,
Ни брата имам, ни мила сестра;
С'де си имам првата љубов,
И тоа ми ушло в пуста чужина
Пуста чужина, Арапска земја,
Ми заљубила црна Арапка,
Арапка имам црна Арапче.