Зборник на Миладиновци/ 275 песна

274 песна

275 песна од Браќа Миладиновци

276 песна

на современ македонски правопис

Предите, прелки, предите,
Да ом'жиме Дремуша.”
Дремуша дремит крај оган,
Дремуша мајке велеше:
„За кого, мајко, за кого,
За кого ке ме ом'жиш.”
„З' овчара, керко, з' овчара
З' овчара ке те ом'жам,
Да јадиш кисело млеко.”
„Нејкум го, мајко, овчара,
Тој имат многу работа;
Туку го сакам орача,
Што јадит бели погачи,
Што пиет вино црвено,
И прељутана ракиа.”