Зборник на Миладиновци/ Кога одат за невеста

Од Wikisource
Прејди на прегледникот Прејди на пребарувањето
522 песна Кога одат за невеста

од Браќа Миладиновци
Кога одат по невеста
на современ македонски правопис.



„Зеташтина, чуже земјанине!
Што си дошол во нашава земја?
Аљ си дошол оро да играме,
Аљ си дошол вино да пиеме,
Аљ си дошол камен да фрљаме?”
„Ај ви вие сестри непознајни!
Не сум дошол оро да играме,
Не сум дошол вино да пиеме,
Не сум дошол камен да фрљаме,
Тук сум дошол по наша другачка.”