Пеш по светот/ На поетот

Во тугина

На поетот од Коле Неделковски

Поздрав...

Од збирката „Пеш по светот“ пренесена во оригинал на македонско писмо.

Кажи, певец, што те мачи,
што не знаеш нигде мир,
страден вик на сегде — јачи
од душа ти — земна шир.

Својте болки ли си пееш,
тегла ли за народ твој,
та се така солзи лееш,
низ сиот си живот свој.

Ел низ пламнат ум ти минат
први дни од роден крај,
па се грчиш да не летнат
и ти смрачат срце сјај.

Љубов в гради ли те гори
и те плаши страшен свен,
смртен поклон ли те мори
за богатство срамна тлен.

Пеј, о братко, пеј за народ
и му песни бурни дај,
та со мок да урне сводот
од робство над роден крај.

Поврзано

• Коле Неделковски
• Пеш по светот

Надворешни врски

• „Пеш по светот“, оригинално издание на македонски јазик со бугарска азбука.