Од борбата/ 13 песна

„13 песна“

од народното творештво

Собрал и уредил Блаже Конески во 1947.

Маре, мори Маре, зашто бело белиш,
зашто бело белиш кога црно носиш?
Дали мајка жалиш или татко плачиш
или си го жалиш твојто прво либе?
„Нито мајка жалам нито татко плачам,
туку си го жалам мојто прво либе.
Мојто прво либе партизан отиде
три години време низ Македонија.
Нито писмо прака, нито сам се враќа,
само ми го прати својто бело коњче.
Ha коњчето седло, под седлото писмо,
во писмото пише: „Омажи се, Маре,
омажи се, Маре, и јас се оженив,
и јас се оженив за црната земја,
за црната земја, за Македонија,
за Македонија, земја поробена.“

Поврзано

Надворешни врски

Нотен запис

Ова дело е во јавна сопственост во целиот свет бидејќи авторот е починат пред повеќе од 70 години.