Зборник на Миладиновци/ 538 песна

538 песна

од Браќа Миладиновци

на современ македонски правопис.

Фатил сокол еберица,
Ке ја носит грцка земја,
Таа пиштит, тој ја тешит,
Таа грцки не умеит.
Мори сваке Јоанице!
Со што керка се фалеше,
Имам керка работница,
Брго предит, брго везит.
Кога си ја донесофме,
Кога фурка је казафме,
Неестица се зачуди.
Кога парта је казафме,
Неестица се прекрсти:
„Што се овје црни игли!”
Кога в разбој је кладофме,
Неестица се зачуди:
„Што је ова чиу, миу,
Едно падни, друго стани!”