Зборник на Миладиновци/ 370 песна

370 песна

од Браќа Миладиновци

на современ македонски правопис.

Бог да биет руса Мара Баирката,
Што си стана сутро рано во недеља,
Па си зеде дулец вода, личен леген,
От си зеде миски сапун
Ке си миет бело лице,
Бели р'це, бели ноѕе.
Се накачи на чардакот,
Се пресегна на полица,
Ми си зеде филдиш чешел,
Да си чешљат уба' коса,
Да напраит туртурици,
Да уплетит леса на коса,
Да ја видат трговчина,
Да факает заз'бниза.