Зборник на Миладиновци/ 332 песна

332 песна

од Браќа Миладиновци

на современ македонски правопис.

Болно лежит мало моме,
Болно лежит три месеци,
М'ка имат, т'га имат
Т'га имат за лудото.
Па говори мало моме
Мало моме на мајка си:
„Ми се пиет студна вода,
Да с' напиам, та да умрам;
Викнете ми моето лудо,
Да го видам, та да умрам.”
Па си дошло лудо младо,
Го видело, го целива,
Тифко нему проговара:
„Јас за тебе си умирам.”
Уште речта не дорече,
В еднош моме си умрело.