Псалми/ 2

Од Wikisource
Прејди на прегледникот Прејди на пребарувањето

1 Псалми
2 псалм
од н.п.
3
Текстот е базиран на македонскиот превод на Библијата од 1999 година.

 1 Зошто се бунат народите, зошто племињата замислуваат суети?
  2 Земските цареви стануваат и кнезовите се собираат против Господа и против Неговиот Помазаник:
  3 „Да ги скинеме нивните окови и да го отфрлиме нивниот јарем.”
  4 Оној, што живее на небесата, им се смее, Господ им се потсмевнува.
  5 Тогаш ќе им рече во Својот гнев, и со Својата јарост ќе ги збуни:
  6 „Јас го поставив Мојот Цар над Сион, на Мојата Света Гора.”
  7 „Ја објавувам Господовата одлука: Тој ми рече: *Ти си Мој Син, Јас те родив денес.
  8 Побарај од Мене, и ќе ти ги дадам народите во наследство и земските краишта во сопственост.
  9 Ќе владееш со нив со железен жезал и ќе ги скршиш како грнчарски сад.*”
10 Вразумете се сега, вие цареви; научете се земски судии!
11 Служете Му на Господа со страв, радувајте Му се со трепет.
12 Целувајте Го Синот, за да не се разгневи и да не загинете патем, зашто скоро ќе пламне Неговиот гнев. Блажени се сите кои се засолнуваат при Него!

Поврзано

Надворешни врски


PD-icon.svg Ова дело е во јавен домен во земји каде авторските права се плус 70 или помалку.
Nuvola apps important.svg
It is not necessarily in the public domain in the United States if published from 1923 to 1977. For a US-applicable version, see {{PD-1996}}.