Небиднина/ Четврта молитва на моето тело
| „Четврта молитва на моето тело“ од Ацо Шопов |
- Овде си, над ова тело, како смирено крило
- ти - толку разумно - толку студено штедра,
- па сакам да се помолам за она што веќе било,
- зашто иднината во сите срца е ведра.
- Сплети ги тие светлини, тоа горење бело,
- тие светкавици во темнина што спијат,
- обви го со нив денес ова гордо исправено тело,
- сеедно - како камшик или ко бршлан вијат.
- Сплети ги в огромна лузна, скамени ги во вера,
- дај ми, дај таа светлина со кошмар да ја пијам,
- зашто сè она што потемнува во моето Вчера
- јас како светло Утре во длабини го кријам.