Јован Јовановиќ - Змај/ Кое е поубаво

„Кое е поубаво“ од Јован Јовановиќ - Змај

Македонски превод. Песната е оригинално издадена на српски јазик.

Едно дете мало
намуртено, диво,
сè сфаќало тажно,
сè примало криво.

Го мачела често
и мислата црна:
што секоја ружа
има остри трња.

Неговиот другар,
малечкиот Лесе,
не знаел за тага,
секогаш бил весел.

Зошто било така?
Ќе погодиш лесно-
сè за него било
веселба и песна.

Па еднаш му рекол:
„Се радува, друже
дека и на трнот
ќе се најде ружа!“

Поврзано

• Јован Јовановиќ - Змај

Сите дела од овој автор се во јавна сопственост во целиот свет бидејќи авторот е починат пред повеќе од 70 години.