Што ја нема Цвета

Од Wikisource
Прејди на прегледникот Прејди на пребарувањето
Што ја нема Цвета, мамо,
низ двор да прошета?
Дали болна легна Цвета,
или болни гледа?
Ниту болна легна сине,
ниту болни гледа.
Под сенка легнала Цвета,
глава преврзала.
Дали д' идам мила мамо,
Цвета да ја видам?
Понуда да носам, мамо,
алва шеќерлија?
Алва шеќерлија, мамо,
едра леблебија?
Немој сине, не ми оди,
Цвета е свршена.
Цвета е свршена сине,
за момче богато.
За момче богато, сине,
за момче скопјанче.

Поврзано[уреди]