Црна се чума зададе

Од Wikisource
Прејди на прегледникот Прејди на пребарувањето
Црна се чума зададе
там долу Демир Капија
там жална Македонија.
Кој ќе се јунак одбере
чумата да ја пропади?
Избрал се Делчев, Гоце војвода,
он ојде в Македонија,
чумата да ја пропади
од жална Македонија.
Кој иде горе низ гора,
дал ми се Турци поганци?
Не ми се Турци поганци,
тук ми се одбор дружина,
ранет ми другар носеа.
Со куршум јунак пронижан
од лева страна во срце,
млад Делчев, Гоце војвода.
Делчев дружина говори:
---Дружино, верна зговорна,
вие ќе утре врвите,
кому ќе ме оставите,
водичка да ми подаде,
срцето да си разладам,
устата да си расвкасам?
Дружино, мои комити,
кога ќе вие минете
низ моја града Кукуша,
мајка ми ќе ве пречека,
за мене ќе ве опита:
---Дека е Делчев војвода?
вие нејзе ќе и кажете:
---Делчев се јунак посврши,
за црна земја робинка.


Ова дело е во јавна сопственост во целиот свет бидејќи авторот е непознат/народно творештво.

Поврзано[уреди]

Надворешни врски[уреди]

Блог за македонски народни песни

Во изведба на Милвет Беловска