Бели Мугри/ Утрото над нас

Од Wikisource
< Бели Мугри(Пренасочено од Утрото над нас)
Прејди на прегледникот Прејди на пребарувањето

„Елегии за тебе“ „Утрото над нас“

од Коста Солев Рацин
„Татунчо“
Препис во оригинал како што е издадена во збирката песни „Бели Мугри.

От далечнините модри се веат
на слнцето златните далги,
од далечнините модри се леат
на утринта росните влаги.

Под длги, меки ширини рамни
магла се танка крева
и по селата мали — заспали
шумоли скришно врева.

Шумоли — в срце тага налева
за црноземните робjа,
шумоли скришно за мртви поља
за села и градови — гробjа.

Ех, тиа длги ширини рамни!
Ех, тaja мака пуста!
Мртви и темни сурови гламњи
скршена гранка маслинка!

По тиa пот се човечка дими
и снага крвава цвили,
по тиa радост никого нема
а слнце радосно има!

Но тиa росни утрини пресни
копнат во гради и тлеат.
Копнат и како бура пеат
и како огин палат.


Поврзано


PD-icon.svg Сите дела од овој автор се во јавна сопственост во целиот свет бидејќи авторот е починат пред повеќе од 50 години.