Туѓината пуста да остане
- Туѓината пуста да остане,
- Таа од либето ме раздели.
- Таа од либето ме раздели,
- Што го љубев време три години.
- Сите печалбари си дојдоа
- Само мојто либе не се врати.
- Ќе ве прашам млади печалбари
- Дали го видовте мојто либе.
- Дали го видовте мојто либе
- Од печалба дома да си иде?
- Дење ноќе на порти го чекам
- Везден плачам и на него мислам.
- На трета година писмо прати
- И ми пише нема да се врати.
- Не се враќа друга си заљубил
- И за неа тој си се оженил.
|
Ова дело е во јавна сопственост во целиот свет бидејќи авторот е непознат/народно творештво. |