Трба трби Гевгелија

Од Wikisource
Трба трби Гевгелија
сите Турци надавија х2
од јунака Леонида.
Цар испратил до три војски
до три војски сè ти разби.
Прва војска Гевгелиска
втора војска е Дорјанска х2
трета војска е Струмичка,
ќе го барат Леонида,
Леонида баш комита.
Го бараја во Богданско
го најдоја во Ѓавочко х2
во Ѓавочко во Ѓурѓов Дол,
јунак лежи в постилата,
срце му е динамита х2
враце држи револвера
бој започна од сабајле
од сабајле дур до вечер,
триста души убиени,
а ранети не броени.
Проговара Јуз-башија
еј јунаку Леонида
предај ми се ти на мене
да те видам кај Султанот
тој да види каков јунак
ќе ти даде многу пари.
Одговара Леонида,
слушај мене Јуз-башијо
елај ваму понаваму
да ти кажам два три збора х2
два три збора Македонски.
Голем страм е за комита
жив да падне в турски раце
таква правда турска правда
три илјади на три мина
останаа два патрона
еден за теб втори за мен.
Си извади револвера
па го стрела Јуз-башија х2
и на крајот сам се убил.
Живот даде Леонида
за Македонија мила.


Ова дело е во јавна сопственост во целиот свет бидејќи авторот е непознат/народно творештво.

Поврзано[уреди]

Надворешни врски[уреди]

Блог за македонски народни песни

Во изведба на Васка Илиева