Бели Мугри/ Татунчо

Од Wikisource
< Бели Мугри(Пренасочено од Татунчо)
Прејди на прегледникот Прејди на пребарувањето

„Утрото над нас“ „Татунчо“

од Коста Солев Рацин
„На Струга дуќан да имам...“
Препис во оригинал како што е издадена во збирката песни „Бели Мугри.
На Бана


Не ме клни, не ме жали!
Не ми нижи низа клетви!
Камен тежок живот ми е
а по тежок отзив пусти
по народни думи свети!

Ако куќа не направиф
со високи шимшир порти,
куќа цел свет братски ми е
братски срце што отвора,
срце — порта наjвисока,
срце — куќа наjширока.

Ако жена не донесоф
ѓул — трендафил во одаjа
верна, добра млада љуба —
не ме клни, не ме жали:
во борбата другарката
слнце сјае, слнце трепти!

Ако млади си години
по друмишта, по патишта
в младост горка распосеjаф —
погледни ми право в очи:
ти ли беше што пееше
„Аjдутин мајкa не рани... “

И ако не умрам дома
туку кaj што стии пиштат
в борба искри кај што лштат —
блазе, речи на душата —
има зошто душа да е!


Поврзано


PD-icon.svg Сите дела од овој автор се во јавна сопственост во целиот свет бидејќи авторот е починат пред повеќе од 50 години.