Стани ми сине Стојане

Од Wikisource
Прејди на прегледникот Прејди на пребарувањето

Стани ми, сине Стојане,
големо оро се збрало Стојане,
големо оро се збрало.

На гергелички чаири
играат сине и пеат, Стојане,
играат сине и пеат.

До секоја мома и момче,
до Ратка твоја двамина, Стојане,
до Ратка твоја двамина.

Два мина, сине овчари,
овчари сине, чобани Стојане,
овчари сине, чобани.

- Нек' пеат мамо, нек' играат,
Ратка е моја, па моја, мамо ле,
Ратка е моја, па моја.

Прстенот ми е уф неа,
гривните ѝ се уф мене, мамо ле,
гривните ѝ се уф мене.

Поврзано[уреди]