Сношти либето помина

Од Wikisource
Прејди на прегледникот Прејди на пребарувањето


Сношти либето помина
крај нашата ни градина
две три думи ми продума
од тебе либе се разделвам.

Ах ти си мој, ах пак сум твој
ах ти си моето верно либе.

Тргам либе туѓина
душата ти ја оставам
мајка ти е причина
за нашата ни разделба.

Ах ти си мој, ах пак сум твој
ах ти си моето верно либе.

Тргам либе на печалба
срцево ми го изгоре
ти ќе ми бидеш в' туѓина
и моја среќна иднина.

Ах ти си мој, ах пак сум твој
ах ти си моето верно либе.

Поврзано[уреди]