Слеј се со тишината/ Лист

Од Wikisource
Прејди на прегледникот Прејди на пребарувањето
„Лист“

од Ацо Шопов


Се откина од гранката сам, полека и несетено
и остана во воздухот да лебдее така.
Мислејќи дека е жолта пеперуга, детено
пружи по него рака.
И не се измени ни со прелив мал
на есента божилото.
Само гранката задржа скриена жал,
жал за зеленилото.

Видете исто така[уреди]