Писмо од Митра Миладинова до Браќата Робеви

Писмо од Митра Миладинова до Браќата Робеви од Митра Миладинова

На современ македонски правопис.

„

Почитувани браќа Робеви и синови! Со неизразлива тага и сосема вознемирени за судвината на учителот Димитар ние Ви пишавме неколкупати, но до сега немаме никакво позитивно известување за олеснување на вознемиреноста, која ни ја разјадува душата. И така, господа, фрлете заради Бога милостив поглед кон нас, страдалното семејство на учителот, смилете се над невините негови деца и употребете ги сите усилби, како и веруваме, за избавувањето на најнежно саканиот наш татко, учител, а ние со вистинско, најдлабоко почитување ќе Ви бидеме вечно признателни, достојните секогаш за уважување, на кои ги полагаме сите свои надежи, очекувајќи колку е можно поскорешно утешување. Белки има и радосна вест за најнежно саканиот наш татко. Излишно ќе биде, сметаме, да Ви кажеме дека ако стане нужда – во случај да се реши да биде испратен во Цариград, - да телеграфирате во Загреб, до нашиот чичко Константин или директно или посредно преку Цариград, за да знае и тој. Можеби тој може да најде пријателски врски. Ова Ви го соопштуваме со најголема жалост и остануваме целосно предани на Вашето семејство.

“