Песна за бабата Митра
- Таму крај Вардар, неготинско поле,
- бој се започна, бој нерамен,
- Германци бегаат, возови палат,
- пламен се дига дури до небо.
- Во манастирот Свети Ѓорѓија,
- ги затвориле партизаните
- и така нешто на германски јазик,
- тие збореја да ги запалат.
- Тоа го слушна бабата Митра
- и скришум пошла кај партизаните,
- порти отворила со двете крила:
- - Бегајте пилци в' гора зелена.
- Клетите фашисти бензин фрлија
- и зрно кибрит на старата,
- пламен се дига, баба Митра гори,
- на место дваесет партизани.