Ој, Јано, Јано, убава Јано

Ој, Јано, Јано, убава Јано,

Од едната страна Јано, сонце те грее,

Од другата страна Јано, јасна месечина.

Сиромаси бевме Јано, сега сме зенгини,

Кое фајде Јано мори, оти сме богати,

Кога од срцето Јано, ти порода немаш.

Дали е од мене или е од тебе,

Дали е од бога Јано или е од чинка,

Дали е од тебе Јано или е од мене.

Мене ми е мајка лудо, луто проколнала,

Мајка проколнала, Стојан, клела, говорила.

Ој Јано, Јано, леле мила ќерко,

Лика спроти тебе Јано, друга да не родиш,

Оти ноќе плачеш ќерко, а дење си спиеш,

Ти на мајка, мила Јано, многу причинуеш,

Од срце порода Јано, ти да не си имаш.

Втора верзија

Ој, Јано, Јано, убава Јано,

Од едната страна Јано, сонце те грее,

Од другата страна Јано, јасна месечино.

Сиромаси бевме Јано, сега сме зенгини,

Само кое фајде Јано, што сме зенгини,

Кога од срцето Јано, ти порода немаш.

Дали е од бога Јано или е од чинка,

Дали е од тебе Јано или е од мене.

Одговоара Јана, убава Јана,

Ој Стојане, стопанине, мили мој Стојане

Ниту је од бога Стојан, ниту е од чинка

Ниту је од тебе Стојан ниту е од мене

Куку ме, мене Стојан, мајка проколнала

Мајка проколнала, Стојан, клела говорила:

Нани ми нани убава ќерко, танка да си мила ќерко,

Лика спроти тебе Јано, друга да не родиш,

Оти ноќе плачеш ќерко, а дење си спиеш,

Ти на мајка, мила Јано, многу причинуеш,

Од срце порода Јано, ти да не си имаш.

Поврзано

• Македонски народни песни

Надворешна врска

Музика