Отечественофронтовска Бугарија за Македонија

Од Wikisource
Прејди на прегледникот Прејди на пребарувањето
Отечественофронтовска Бугарија за Македонија

од [[Цола Драгојчева]]
Македонска мисъл кн. 1-2, год. 1, 1945 - Софија


Македонска Мисъл - Орган на Македонския научен иститут

Прашањето за национална слобода за фашистите беше прашање преку кое се разгоруваше омраза меѓу народите, прашање преку кое психолошки се подготвуваа војните и како резултат секогаш доведуваше до национално угнетување. Оваа вистина особено силно ја почувствува и разбра македонскиот народ, кој особено многу пострада од бесната конкуренција меѓу балканските фашисти во спроведувањето на нивната освојувачка политика. Последната секогаш ја претставуваа пред масите во национална облека.

Демократскиот развој на јужнословенските народи раскрсти со порочното минато и целосно ја смени сликата. За овие народи прашањето за националната слобода не е веќе прашање на фашистичко прикривање и пропаганда, туку жива реалност. Тие од корен ја отсекоа раната која го труеше опшествениот организам на народните маси. За нив денес прашањето за националната слобода не е прашање на раздвојување, туку на братска доверба и единство.

Титова Југославија го реши ова прашање на чисто народно-демократски начин. Го разреши за себе и најтрнливото национално прашање - македонското. Таа даде пример на Балканот за тоа како може да се движи кон зближување на народите преку почитување на нивната национална слобода.

Отечественофронтовска Бугарија конечно раскрсти со идеалите на бугарските фашисти за голема Бугарија и хегемонија на Балканот. Таа целосно го поддржува идеалот на Македонците за сопствена држава и национален идентитет. Во својот демократски развој таа е опфатена со развојот на сите јужнословенски народи и со тоа го обезбедува братскиот соживот на овие народи.