Нешо пиле, Нешо мори, мамино калешо

Од Wikisource
Нешо пиле, Нешо мори, мамино калешо,
зошто не дојдеш Нешо кај мама на гости,
како да дојдам мамо, нема ни со кого,
едно момче имам мамо, ош је малечко,
ќе помине туде, за поли ме држи.
Ќе појдам да месам мамо, и оно по мене,
за поли ме држи, само ме препиња,
чекај ме дадо мори, меси ми кравајче,
не сум ти дада лудо, туку сум ти жена,
желка те изело, чума те затрело.
Ќе појдам на вода, мамо, и оно по мене
за поли ме држи, само ме препиња,
чекај ме дадо мори, полни ми бардаче,
немам бардаче, бапки те изеле,
камо ти ведро лудо на рамо да носиш,
ведро да носиш, ветер те однело.


Ова дело е во јавна сопственост во целиот свет бидејќи авторот е непознат/народно творештво.

Поврзано[уреди]

Надворешна врска[уреди]

Музика