Недалеку во Воден града

Од Wikisource
Прејди на прегледникот Прејди на пребарувањето
Недалеку во Воден града,
на североисточна страна,
дружина е поседнала
на зелена рудина.
Пред дружина е ставено
рудо јагне печено,
чаша вино наполнета
на трева је клаена.
Секој пијат и се радвит,
едно срце благословлјат,
за дружина се напиват
слобода посакуват.
Сите дружно да се збијме,
Битола да се најме,
в' Цариграда да тргниме,
Македонија ослободиме.

Поврзано[уреди]