Мори моме, што не дојдеш

Од Wikisource
Мори моме, што не дојдеш,
фустан да си земеш лудо.
Три години, лично моме, шиен фустан стои,
три години, лично моме, во дуќан ми стои.
Лудо младо, моме, оф шеќерлија,
лудо младо, моме, оф леблебија.
Море момче, ако дојдам,
фустан да си земам, лудо.
Ако в' дуќан ти влезам, како ќе излезам,
ако в' дуќан ти влезам, зло да не ме најде.
Лудо младо, моме, оф шеќерлија,
лудо младо, моме, оф леблебија.
Мори моме, ако дојдеш,
фустан да си земеш, лудо.
Ништо не ти чинам, лудо, само ќе те бакнам,
ако ми те бакнам, лудо, нема да си умреш.
Лудо младо, моме, оф шеќерлија,
лудо младо, моме, оф леблебија.
Море момче, ти терзиче,
многу скапо сакаш, лудо.
Венчај мене, младо момче, тогај ќе ме бакнеш,
фустан што ми сошле, лудо, невеста ќе носам.
Лудо младо, моме, оф шеќерлија,
лудо младо, моме, оф леблебија.

Поврзано[уреди]