Море три години Стамбол го шетав

Од Wikisource
Прејди на прегледникот Прејди на пребарувањето
Море три години Стамбол го шетав
Темјано море си спечалив до три илјади,
Јагне Темјано, пиле шарено.
Првата илјада коњче си купив, Темјано,
Втората илјада такам за коњче,
Јагне Темјано, пиле шарено.
Третата илјада тебе да те земам, Темјано,
Таман кинисав дома да си идам,
Јагне Темјано, пиле шарено.
Таман кинисав дома да си идам, Темјано,
На среде поток коњче ми пукна,
Јагне Темјано, пиле шарено.

Поврзано[уреди]

Надворешна врска[уреди]

Блог за македонски народни песни

Музика