Македонски народни песни/ Врана коња јавам јас

Врана коња јавам јас,

Одам по невестата,

Дал' ќе ми ја дадат.

На сред село тапан чука,

Оро се вие,

Мома водеше.

Татко и ја дава,

Село не ја дава,

Оти е убава.

Ќе умрам мајко, загинам,

Без неа дома не одам,

В село слуга ќе бидам,

Само неа да гледам.

Ова дело е во јавна сопственост во целиот свет бидејќи авторот е непознат/народно творештво.

Поврзано