Македонски народни песни/ Бор садила мома Евгенија

Од Wikisource
Прејди на прегледникот Прејди на пребарувањето
Бор садила мома Евгенија,
Бор садила, ем Бога молила.
Бор садила мома Евгенија,
Бор садила, ем бога молила.
Дај ми Боже бор да ми порасне,
Да се качам на борови вејки.
Дај ми Боже бор да ми порасне,
Да се качам на борови вејки.
Да здогледам сред море гемија,
Во гемија-окован делија.
Да здогледам сред море гемија,
Во гемија-окован делија.
Раце му се синџир-заврзани,
Нозе му се франги-оковани.
Раце му се синџир-заврзани,
Нозе му се бука-оптегнати.
На рамо му се два сива сокола,
Го прашува мома Евгенија.
Го прашува мома Евгенија,
Со што раниш два сива сокола.
"Парче сечам, соколи си ранам,
Солзи леам, вода ги напивам.
Парче сечам, соколи си ранам,
Солзи леам, вода ги напивам."


PD-icon.svg Ова дело е во јавна сопственост во целиот свет бидејќи авторот е непознат/народно творештво.

Поврзано[уреди]

Надворешни врски[уреди]

Блог за македонски народни песни