Македонски народни песни/ Бог да бие Русе твојта мајка

Од Wikisource
Прејди на прегледникот Прејди на пребарувањето

Бог да бие Русе твојта мајка е македонска народна песна.

Текст на песната[уреди]

Бог да бие Русе твојта мајка
Бог да бие Русе твојта мајка
твојта мајка Русе, Ангелина. [2х]
Што не те дават Русе за Џоџета
за Џоџета Русе од Филевци
тук ми те дават Русеза Наумета
за Наумета Русе, од Банџовци.
Неќум го Русе мори тој Наумета
тој ти сакат Русе многу пари
само Џоџе Русе пари нејќи
само тебе Русе ми те сакат.
Бог да го ј'убил Русе тој Никола
тој Никола Русе, резилето
што му дават Русе голем фурсат
да те грабит Русе наполноке
со дебрани Русе, велештани
полојката Русе, охриѓани.
Џоџе врви џанам со кајчето
Русе седи џанам на масчето
сал си веслат Џоџе, песна пеит
песна пеит Русе се за тебе
никој око Русе не му клава.
Таксај мајко, таксај
што ќе таксаш
на Илија мајко, жолти чевли
на Климета мајко, шал кошула
на Парета мајко, таки френски
на Ташета мајко, рало гашти
а на Џоџета мајко, тарапанци
Ќе те носит Русе, Свети Наум
тамо Џоџе, Русе ќе те венчат
и на гробот Русе ќе си легни
белким умот Русе ќе му дојди
дал' ќе му дојди Русе
ил ќе му излези.


PD-icon.svg Ова дело е во јавна сопственост во целиот свет бидејќи авторот е непознат/народно творештво.

Надворешни врски[уреди]

Блог за македонски народни песни