Македонски народни песни/ Ајде, ред се редат, мале

Од Wikisource
Прејди на прегледникот Прејди на пребарувањето
Ајде, ред се редат, мале,
Ајде, ред се редат,
Кочански сејмени, мила мале,
Кочански сејмени.
Ајде, ќе ми одат, мале,
Ајде, ќе ми одат,
Покрај Крива Река, мила мале,
Покрај Крива Река.
Ајде, ќе го барат, мале,
Ајде, ќе го барат,
Иљо арамија, мила мале,
Иљо арамија.
Ајде, не ми било Иљо,
Ајде, не ми било,
Покрај Крива Река, мила мале,
Покрај Крива Река.
Ајде, тук ми било Иљо,
Ајде, тук ми било,
Во Солуна града, мила мале,
Во ладна меана.
Ајде, го служела, мале,
Ајде, го служела,
Мома Македонка, мила мале,
Мома Македонка.
Ајде го разбрале, мале
ајде, го разбрале
клетите шпиони, мила мале
клетите шпиони.
Ајде, сардисале, мале
ајде, сардисале
ладната меана, мила мале
ладната меана.
Ајде, кога виде, мале
ајде, кога виде
Иљо арамија, мила мале
Иљо арамија.
Ајде, па извади, мале
ајде, па извади
бомби и патрони, мила мале
бомби и патрони.
Ајде, па потепа, мале
ајде, па потепа
целата потера, мила мале
целата потера.


Ова дело е во јавна сопственост во целиот свет бидејќи авторот е непознат/народно творештво.

Поврзано[уреди]

Надворешна врска[уреди]

Музика