Заљубив едно младо девојче

Од Wikisource
Прејди на прегледникот Прејди на пребарувањето
Заљубив едно младо девојче
што ми беше несвршено
кај се најџвевме, се' си кажвевме
болки на срце што си имавме.
Нашата љубов беше неверна
што си ја ние либе имавме
јас да те љубам, да полудеам
заради љубовта што си ја имавме.
Бог да убие либе мајка ти
што те посврши за друго либе
колку е жално, колку е горко
јас да те љубам, друг да те земи.
Кога ќе умрам мори либе ле
ти на гробот мој либе да дојдиш
солзи да рониш, гласно да редиш
заради љубовта што ја имавме.

Поврзано[уреди]