Димитрио, сине Митре

Од Wikisource
Прејди на прегледникот Прејди на пребарувањето

Димитрио, сине Митре,
мајкино единче.
Три години, сине Митре,
мајка болна лежи.

Ти не дојде, сине Митре,
мајка да си видиш.
Да ме прашаш, сине Митре,
отшто болна лежам.

Димитрио, сине Митре,
мајкино будалче.
Зар не видиш, сине Митре,
да те жена вара?

Ако, ако мајко,
нека вара,
барем е убава.

Поврзано[уреди]