Второ писмо од апостол Јован

Прво писмо од апостол Јован

Второ писмо од апостол Јован Библија од [[]]

Трето писмо од апостол Јован

Глава 1

Авторство и поздрави

¹Од старешината Јован,
до почитуваната госпоѓа и до нејзините деца^[1]. Имам искрена љубов спрема вас, каква што имаат и сите други што ја знаат Божјата вистина, ²онаа вистина што живее во нас и што ќе биде со нас засекогаш.

³Бог Таткото и Неговиот Син, Исус Христос, нека ни бидат благонаклонети, нека ни бидат милостиви и нека ни дадат мир, за да останеме на страната на вистината и да живееме во љубов.

Поттик на меѓусебна љубов

⁴Многу се израдував кога дознав^[2] дека некои од вашите деца се на вистинскиот пат и се придржуваат до заповедта што ни беше дадена од Небесниот Татко. ⁵Сега, драга госпоѓо, јас не ви пишувам некоја нова заповед, туку ве молам да се придржувате кон заповедта што ја имаме уште од почетокот: да се сакаме меѓусебно. ⁶А љубовта се докажува преку придржување до Божјите заповеди. Заповедта да се сакаме ја слушнавме уште од самиот почеток и до неа треба да се придржуваме.

Предупредување за појавата на измамници

⁷Многу измамници се појавија на овој свет. Не признаваат дека Исус Христос дојде на овој свет во човечко тело. Секој што зборува така е измамник и антихрист. ⁸Чувајте се, за да не го загубите она за што се трудевме^[3]. Борете се да ја добиете целосната награда! ⁹Секој што отстапува и не се држи до Христовото учење нема заедништво со Бог. Оној што се држи до Христовото учење има заедништво со Небесниот Татко и со Синот - Христос.

¹⁰Ако некој дојде кај вас, и не го носи Христовото учење, немојте да го примате во вашите домови, немојте дури ни добредојде да му посакате. ¹¹Оној што ќе му посака добредојде станува соучесник во неговите зли дела.

Заклучок

¹²Имам уште многу да ви кажам, но не сакам тоа да го сторам вака, со перо и мастило, туку се надевам дека ќе дојдам кај вас и сѐ што имам да ви кажам, ќе ви кажам лице в лице. Верувам дека тоа ќе биде обострано задоволство.

¹³Ве поздравуваат децата на вашата сестра^[4], одбрана од Бог.

1. Или: Ѓдо црквата, избрана од Бог и до нејзините членовиЃ, или: Ѓдо избраната Кирија и нејзините децаЃ.
2. Или: Ѓсе запознав со некои од вашите деца и дознавЃ.
3. Според некои ракописи: Ѓза што се трудешеЃ.
4. Или: Ѓсестринска цркваЃ.