Во борба, македонски народе!

Од Wikisource
Прејди на прегледникот Прејди на пребарувањето
Со векови окованa во пранги,
од ропство пишти Македонија,
појќе не трпиме бесчесни лаги,
во бој последен борци влегоа!
Во борба, во борба, во борба,
македонски народе.
За света народна слобода
со песни и радост се мрее!
Излеговме ние смели партизани,
над нас на Гоце знамето се вее,
во гори, полја и на сите страни,
фашистичка крв насекаде се лее.
Синови сме на нашата татковина,
на илинденските наследници,
строиме живот, слобода, иднина,
за, жени, деца, старци, младинци.

Извор[уреди]