Бог да бие, Тино мори

Од Wikisource
Прејди на прегледникот Прејди на пребарувањето
Бог да бие, Тино мори
Тино, мори, твојта стара мајка
Тино, мори, твојот стари татко деј.
Што ми те армаса, Тино
Тино, мори, мошне надалеку
Тино, мори, Тино, мори
дур' на Гевгелија, деј.
Дур на Гевгелија, Тино
Тино, мори, за Дељо Турунџула
Тино мори, Тино мори
за Дељо Турунџула, деј.
Дељо болен лежи, Тино
Тино, мори, Дељо ќе умре
Тино, мори, Тино, мори
Дељо ќе умре, деј.
И на Дељо думат, Тино
Тино, мори, Дељо ќе да умри, деј
Тино, мори, Тино, мори
Дељо ќе да умре деј.

Поврзано[уреди]