Баба ми појде море на пазаро

Од Wikisource
Прејди на прегледникот Прејди на пребарувањето
Баба ми појде море на пазаро

од народното творештво


Баба ми појде, море, на пазаро,
таму си купи едно ми петле,
петлето вика: кукуригууу...
ќе појам, бабо, ќе појам.
Дедо ми појде, море, на пазаро,
таму си купи едно магаре,
магаре вика: хрр... хрр...
јавни ме, дедо, јавни ме.
Баба ми појде, море, на пазаро,
таму си купи една ми крава,
кравата вика: мууу...
млеко ќе ти давам, мори, да пиеш.
Баба ми појде, море, на пазаро,
таму си купи една ми овца,
овцата вика: беее...
в’лна ќе ти давам, мори, да предеш.
Дедо ми појде, море, на пазаро,
таму си купи едно ми куче,
кучето вика: уау...ау...
ќе лаам, дедо, ќе лаам.

Поврзано[уреди]

Поврзано[уреди]

Македонски народни песни