А бре браќа Кукушани

А бре браќа Кукушани од македонскиот фолклор

македонски народни песни

А бре браќа Кукушани,
а бре браќа Кукушани,
што сте толку нажалени,
нажалени натажени?
Што сте толку нажалени,
со очите насолзени?

Как' да не сме нажалени,
как' да не сме расплакани?
Што се стори чудно чудо,
чудно чудо во Баница.

Сношти гласои пристигнаа,
сношти гласои пристигнаа,
Гоце Делчев го убија,
го убија во Баница.

Затоа сме нажалени,
затоа сме расплакани,
Гоце Делчев ни загина
за правдини македонски!

Поврзано

• Македонски народни песни

Ова дело е во јавна сопственост во целиот свет бидејќи авторот е непознат/народно творештво.