Ајде воденичаре

Од Wikisource
Прејди на прегледникот Прејди на пребарувањето
Ајде воденичаре, баш пријателе
море мојте очи твои нека бидат
сомели ми житото.
Воденицата вода ми нема
нети мелам житото.
Ајде воденичаре, баш пријателе,
море мојте солзи вода нека бидат
сомели ми житото.
Воденицата камен ми нема
нети мелам житото.
Ајде воденичаре, баш пријателе
море мојто лице твое нека биде
сомели ми житото.
Воденицата вода ми нема
нети мелам житото.
Ајде воденичаре, баш пријателе
море мојта снага твоја нека биде
сомели ми житото.
Воденицата вода ми има
ќе ти мелам житото.

Поврзано[уреди]