Ајде вино пијам

Ајде вино пијам од македонскиот фолклор

македонски народни песни

Ајде вино пијам, леле вино пијам
непара го пијам леле, леле, непара го пијам.
Ајде на ракија леле, на ракија
мошне сум мераклија леле, леле, мошне сум мераклија.

Ајде коња јавам, леле коња јавам
коњче аџамија, леле, коњче аџамија
море јас го терам, леле јас го терам
на студен кладенец леле, леле на студен кладенец.

Ајде тој ме носи, леле тој ме носи
на момини порти леле, леле на момини порти.
Ајде пусти порти, леле пусти порти
тешко затворени леле, леле тешко затворени.

Ајде не сум пиле, леле не сум пиле,
порти да прелетам леле, леле порти да прелетам,
ајде не сум змија леле, не сум змија
здола да се проврам леле, леле либе да си видам.

Поврзано

• Македонски народни песни

Ова дело е во јавна сопственост во целиот свет бидејќи авторот е непознат/народно творештво.