Ја излези либе на пенџере

Од Wikisource
Прејди на прегледникот Прејди на пребарувањето

Ја излези либе на пенџере

од македонскиот фолклор
македонски народни песни

Ја излези либе на пенџере
дати видам либе бело лице.
Бело лице либе црни очи
и твојте либе гајтан веѓи.

Да ми дадеш либе една слика
спомен мило либе од љубовта
кога ќ' одам либе во туѓина
да ја гледам либе, ем да плачам.

Ќе ти дадам лудо китка цвеќе
да ја носиш лудо на туѓина
кога китка лудо ќе овени
бело лице лудо потемнело.

Бело лице лудо потемнело
црни очи лудо пропаднале [х2]
долги коси лудо земја скрила.


Поврзано[уреди]


PD-icon.svg Ова дело е во јавна сопственост во целиот свет бидејќи авторот е непознат/народно творештво.