Јас те пратив на вода Калино

Од Wikisource
Прејди на прегледникот Прејди на пребарувањето

Јас те пратив на вода Калино

од македонскиот фолклор
македонски народни песни

Јас те пратив на вода Калино.
Ти на вода одиш,
Бело лице миеш,
По ергени гледаш, мори Калино.
 
Пусто да остане мамо, лицето.
Кога нема него,
Либе да го љуби,
Тебе не те слушам, мори мајко, ле.
 
Јас те пратив на нива Калино.
Ти на нива одиш,
Руси коси чешлаш,
По ергени гледаш, мори Калино.
 
Пуста да остане мамо, косата.
Кога нема неа,
Либе да ја мрси,
Тебе не те слушам, мори мајко, ле.
 
Јас те пратив на лозје Калино.
Ти на лозје одиш,
Бело грозје бериш,
На ергени даваш, мори Калино.
 
Пусто да остане мамо, грозјето.
Кога нема либе,
Со мене да бере,
Тебе не те слушам, мори мајко, ле.:


Поврзано[уреди]

Надворешни врски[уреди]


PD-icon.svg Ова дело е во јавна сопственост во целиот свет бидејќи авторот е непознат/народно творештво.