Македонски народни песни/ Ангелино моме

Ангелино моме,

шо си толко љута, џанам,

Ангелино моме,

шо си толко љута,

Љута наљутена,

глава навидена, џанам,

Љута наљутена,

глава навидена,

Дали мајка каре,

или татко бие, џанам,

Дали мајка каре,

или татко бие,

Ниту мајка каре,

ниту татко бие, џанам,

Ниту мајка каре,

ниту татко бие,

Как да не сам љута,

оти ме дадеја, џанам,

На село тарлешко,

на голема куќа,

На голема куќа,

на малечко момче, џанам,

На голема куќа,

на малечко момче,

Јас бежам киларе,

и он по мене иде, џанам,

и он по мене иде,

и додо ме вика,

Јас за вода одам,

и он по мене иде, џанам,

и он по мене иде,

и мајко ме вика

Јас не ти сам мајка,

туку ти сам жена, џанам,

Туку ти сам жена,

Желки да те јадат.

Оваа песна е собрана од селото Куфаја, од околината на [[Солун].

Ова дело е во јавна сопственост во целиот свет бидејќи авторот е непознат/народно творештво.

Поврзано