Page:Бели мугри-Кочо Рацин.pdf/24

Од Wikisource
Прејди на прегледникот Прејди на пребарувањето
Оваа страница е прегледана, но треба да биде потврдена.

На Струга дућан да имам...

„Занаетот е златен...“
Народна пословица


1.
Изгори, мерак, изгори,
изгори — пепел се стори!
Сал не скоривај јадови
на стари, добри мајстори!

Времиња тешки дојдова
уште по тешки прокуди,
от ден на ден се умира
и душа бере с години.

Не пеј песната страдална —
в гората капат лисјата,
водите течат — ронат брег
и влечат млади јасики.

Чаршиите изумреа
дућаните запустеа —
пропадна сичко, прокопса
занает златен — рђоса!

2.
Ние имафме чаршии
и рој — кошница пазари
и ред редени маази
плни, преплни со стока.

— 22 —