Што се чуло нане

Од Wikisource
Прејди на прегледникот Прејди на пребарувањето
Што се чуло нане,
што се чуло и разбрало,
аман и разбрало.
Ќе ме грабит нане,
ќе ме грабит тој Никола,
тој Никола нане,
тој Никола од Зарчета.
Ај да ојме нане,
ај да ојме кај вујка ми,
аман кај вујка ми.
Кај вујка ми нане,
кај вујка ми Костакија.
Белким таму нане,
белким таму не ќе дојдат.
Ушче зборот нане,
уште зборот недоречен,

.аман недоречен,

што ќе видиш нане,
што ќе видиш во дворови.
Во дворови нане,
сè дебрани и мокрани.
Подај ми го сестро,
подај ми го шемшането,
аман шемшането.
Tи ќе полниш сестро,
ти ќе полниш, јас ќе фрлам.
Прва пушка нане,
прва пушка што ми пукна,
аман што ми пукна,
ми го удри нане,
ми го удри тој Никола,

.тој Никола нане,

тој Никола од Зарчета.
Чун го чекат нане,
чун го чека Долни Сарај,
аман Долни Сарај.
Го однесоја нане
г' однесоја во Поградец.

Поврзано[уреди]